Қаражанбаста жұмыс өнімділігін арттыратын жаңа нысан ашылды

Заманауи пункт жұмысшылардың еңбек жағдайын жақсартып, процестерді оңтайландырып, бақылау және басқару жүйесінің тұрақтылығын одан әрі сақтау мақсатында салынған. Ғимаратта операторлар мен шеберлер кабинеті, санитарлық бөлме мен шағын жиналыс залы бар. Пункт заманауи жабдықтармен, техникалармен қамтамасыз етілген. Жұмысшылар нысанды қуанышпен қабыл алып, компания басшылығына алғыс білдірді.

№3 МӨЦ қарамағында 1500 ұңғыма бар. Мұнда тәуліктік мұнай өндіру көлемі 3000 тоннадан асады. Ал цехтағы 6 бригада мамандары ұңғымалардың үздіксіз жұмысын қадағалауға жауапты. Мұнайшылар игілігі үшін ашылған жаңа нысанда барлық бағыт бойынша нәтижелер еселене түсетініне сенім мол.